Marahang hinaplos ni Soul ang balakang ko. Medyo masakit na naman kasi iyon dala ng ngawit.
"Gusto kong kumain." Mahinang ani ko rito. 2 am na, pero nagising ako. Sa tuwing nagigising ako'y ganoon din ito. Alam kong pagod ito sa office. Pero hindi ito nakalimot na maglaan ng oras sa akin.
"Anong gustong kainin ng binibini ko?" antok na tanong nito. Humalik pa sa aking balikat ang lalaki at pinagpatuloy ang paghaplos sa balakang ko.
"Gusto ko ng pritong talbos ng kamote na crunchy." Mahinang ani ko rito. Naramdaman kong natigilan ito at waring napaisip.
Saka ito kumilos at bumangon. Kinuha nito ang robe ko at ipinasuot sa akin. Inalalayan pa ako nitong tumayo, alam talaga nitong sasama ako. Hawak nito ang kamay ko na lumabas kami ng silid.
"Mananalbos lang ako sa garden ha, huwag
