"Babe," tawag ni Wynn kay Althea nang masumpungan itong abala sa kusina. Pinanuod muna ito at hindi maiwasang mapangiti dahil tila mas lalo itong gumanda sa kaniyang paningin.
Agad na humarap si Althea at bahagyang nagulat pa nang makitang may hawak na bulaklak si Wynn na nakatayo sa may pintuhan ng kusina.
"Hmmm!" tikhim upang pawiin ang bikig sa kaniyang lalamunan. "Kanina ka pa diyan?" ngiting tanong dito.
Ngumiti si Wynn saka naglakad patungo sa kinaroroonan niya. "Hindi naman, kararating ko lang," anito. "Masaya akong nakikita kang nawiwili ka dito," anang pa nito sabay yakap sa kaniyang likuran.
"Wynn," awat dito dahil baka makita sila ng mga kasama sa bahay.
"What? Na-miss kita," bulong pa rin niya kay Althea. Hindi kasi matatawaran ang saya sa kaniyang dibdib na malapit na sil
