Napangiti siya ng matamis dito. Ayaw niyang mapahiya ito sa pagtawag sa kaniya ng Ate. "Well, narinig ko lang kasi ang pangalan ko?" nakangising turan nito.
"Narinig mo naman pala eh," dinig na bulong ni Glydel.
"Ha?!" gagad naman ni Winser. "May sinabi ka ba, hon?"
"Ha! Wala ah, ang sabi ko. Ang guwapo mo," biro nito na kinatawa na rin niya. Hindi alam na makulit din pala ito.
"Eh, bakit natawa si Ate Althea?" maang ni Winser sa kaniya.
"Aba! Malay ko?" agad na sabad nito kay Winser. Napakamot na lamang ito ng ulo.
"Oh, bakit mukhang natalo sa lotto itong anak ko?" agaw pansing turan ng Mommy nito na kababalik lamang. Habang siya naman ay napahawak sa palad ng ina.
"Wala, Tita. Dapat nga matuwa dahil sinabihan kong guwapo," dagdag ni Glydel sabay bungingis. Natawa rin ang ginan
