Humahangos na nagpunta kami ng LMH ng mga bodyguard ko nang medyo mahimasmasan na ako. Kasama ko si Angelisse na hindi matigil-tigil sa pag-iyak dito sa aking tabi simula pa noong manggaling kami sa bahay nila. Ayoko sanang sabihin sa kanya ang nangyari sa asawa niya, pero hindi ko na naitago dahil napahagulgol ako ng iyak nang magsabi si Mommy. Hindi ko napigilan ang emosyon ko lalo na at kagabi pa kami nag-aantay ni Angelisse na dumating ang dalawa na galing pang Cebu.
Medyo kalmado na ako ngayon dahil nakaiyak na ako kanina. Gusto kong patatagin ang loob ko dahil sa akin lang aamot ng lakas si Angelisse ngayon. Ayaw ko na pareho kaming nanghihina habang palapit kami nang palapit sa LMH. Gusto ko maging matatag din siya gaya ko dahil wala kaming alam pareho kung ano ang kalagayan ng da
