Ngiting tagumpay ako nang bitbitin ko ang dalawang piraso ng buko na gustong kainin ni Helena. Marami ng napitas na buko ang mga farmer na inabutan namin dito nang magpunta kami. Pero iyong pinitas ko ang gusto kong iuwi kay Helena.
Anihan na kasi at ibebenta ito sa mga ahente ng buko na mula pa sa kabilang bayan. Bale isang sako ang kinuha ko at pinagtulungan na buhatin ito ng dalawa kong kasama at nilagay sa sasakyan. Itong dalawang bitbit ko ang ibibigay ko kay Helena. Pinabalatan ko na ito at pinabutasan. May straw na rin ito para sisipsip na lang si Helena pagbigay ko nito sa kanya.
"Balik na tayo ng mansion! Matutuwa si Helena nito!"
Nakipag-apiran pa ako sa dalawa kong bodyguard na siyang kasabwat ko sa kalokohan na ginawa ko bago ako sumakay sa sasakyan pabalik ng mansion. Mabu
