"Kailan mo balak mag-propose kay Helena, pare? Akala ko ay una ka pang ikakasal kaysa sa akin?" Out of nowhere ay tanong ni Storm sa akin. Nag-angat tuloy ako ng tingin sa kanya mula sa papeles na binabasa ko. Ngumiti ako ng tipid at mahinang bumuntong-hininga. Tinaasan naman niya ako ng kilay at inip na naghintay sa aking sagot.
"What? Kinain ng pusa ang dila mo?" medyo napalakas na tanong ni Storm. Napatingin tuloy sa amin ang iba pa naming kaibigan na kasama din namin dito sa table at nabaling sa amin ang kanilang atensyon.
"Natatandaan ko pa nga noon na sinabi mo na kapag naging kayo ay mag-p-propose ka na sa kanya," dugtong ni Storm sa kanyang sinasabi at mataman na sinisipat ang aking reaksyon. Bumuntong-hininga akong muli at sumandal sa backrest ng aking inuupuan habang inaalala
