Hindi ako mapakali habang nakaupo ako sa gilid ng kama at hinihintay ang pagdating ni Justin. Nariyan na tumunghay ako sa labas. Nariyan na hawakan ko ang cellphone ko at naghihintay ng kanyang tawag. Naiiyak ako na ewan ngunit pinigilan ko ang aking emosyon dahil alam kong hindi papayagan ng Diyos na manaig ang kasamaan sa kabutihan. Oras na para pagbayaran ni Josh ang mga kasalanan niya.
Subalit nakalipas na ang dalawang oras simula ng makaalis sila ay wala pa akong balita sa kanila. Kumusta na kaya ang naging lakad nila? Nakita kaya nila si Mildred? O nahuli na kaya ang demonyo niyang kapatid? Natutukso akong tawagan si Justin ngunit sa huli ay nagdalawang-isip ako na tawagan siya dahil baka nasa gitna sila ng bakbakan ng mga kaibigan niya at maging dahilan pa ito para siya ay mapahama
