Jhoyce's POV
Warning: Rated SPG. Read at your own risk!
Nagising ako sa isang pamilyar na higaan. Alam na alam ko ang amoy at lambot ng kama na ito, hindi ako pwedeng magkamali. Nang umikot ako sa kabilang pwesto ay natigilan ako nang makita si Franco roon na nakahiga habang nakatapat ito sa akin. Nakatitig lang ako sa kaniya habang natutulog ito sa tabi ko.
Kung panaginip man ito sana ay hindi na ako magising pa at matulog na lamang nang matagal habang kasama siya. Siguro ay iniisip ko siya bago ako matulog kaya kahit sa panaginip ay nagpapakita ito. Ganoon ba talaga kapag nangungulila ka sa isang tao? Lahat na lang sa paligid mo ay siya kaagad ang unang pumapasok sa isip mo?
Sinubukan kong bumangon pero napahiga rin agad ako nang makaramdam ng hilo. Sobrang dami ba talaga ng nainom k
