Jhoyce's POV
"Franco, wait!" sigaw ko rito. Hinabol ko ito, pero masyado malalaki ang hakbang niya kaya ang layo niya na sa akin. Pinagtitinginan na ako ng mga empleyadong nadadaanan namin dahil sa lakas ng boses ko sa tuwing tinatawag ang pangalan niya.
"Franco, saglit lang naman!" patuloy kong sigaw. Hindi ito lumingon at patuloy na naglakad palayo sa akin. "Bakit ka ba ganiyan? Bakit ba ayaw mo akong pansinin?"
Nasa labas na kami ng building pero patuloy pa rin akong naghahabol sa kaniya. Hanggang sa mapahinto ako sa paglalakad nang sumakay siya sa kotse niya at pinaandar ito nang mabilis paalis sa lugar na ito. Nakatingin lang ako sa likod ng sasakyan niya na papalayo.
Iiwan niya ako rito ng mag-isa? Hindi niya talaga ako isasama? Nakalimutan niya yatang kotse niya ang dinala namin
