MARCO
PAGKARAAN NG isa pang linggo ay kinailangan ko ng pumasok sa opisina ko sa bayan. Sa El Greco ay bumibisita na lamang ako minsan sa isang linggo ganoon din sa site ng resort ni Mayeth dahil hindi na ako masyadong kailangan ng madalas doon hindi kagaya ng dati. Nag-hire ito ng mga junior architect lingid sa ama nito dahil naging busy ako simula ng manganak si Vrenda.
"Moo, I'm leaving. See you later."
"See you, Daddy. Bye!" ani Vrenda sa akin habang hawak ang anak namin. Napakabilis ng panahon. Dalawang araw na lang ay isang buwan na ito at marunong na ring makipag-usap. Paminsan-minsan ay nangingiti na rin kaya naman talagang kinahuhumalingan ng lahat lalo na ng Mama at Papa ko. Hindi lang iyon, talagang lumalaki itong kawangis na kawangis ng Mommy niya. Walang kinuha sa akin kun
