"MAGANDANG MORNING, SIR," masiglang bati ni Arthuro kay Kael na may kasama pang saludo nang makita nito ang binata sa may dining area.
Tinanguan naman ito ni Kael. Nag-aalmusal ang binata pero mas madami ang pagkakatulala nito kaysa ang sumubo ng pagkain. Mas madami pa ang buntong-hininga na mga pinakawalan niya kaysa ang nakain niya.
"Nana Masing, pakain konti, ah?!" paalam ni Arthuro bago kumuha ng hotdog, itlog, ham, bacon at fried chicken.
"Sabi mo konti lang?! Sinasahuran na nga kita! Nakikikain ka pa! Mahiya ka naman!" pero bigla ay sita ni Kael kay Arthuro.
Nakangangang natigilan si Arthuro. Ang hotdog na dapat na isusubo nito ay na-pause sa bunganga nito.
Pigil tawa naman si Cathy at si Aling Masing.
"S-sir, lagi naman akong nakain dito, eh." Ibinaba ni Arturo ang hotdog.
"C
