"Wala kang kasama?" tanong agad ni Rigo nang makarating sa ospital kung saan naka-confine ni Maiza.
Saglit na nagulat si Maiza. Ang binata ba ang susundo sa kaniya?
Inilibot ni Rigo ang tingin sa private room ng hospital.
"May kasama ako. Iyong mga boss ko na mga nakita mo na dumalaw sa akin sa bahay kanina. Lumabas lang sila saglit," nahihiyang sagot ni Maiza. Naalala niya 'yong ginawa niya sa binata, iyong sinabi niyang asawa niya ito sa harap nina Yumi at Therese.
Mga nakapamulsa ang mga kamay sa bulsa na kaswal itong lumapit sa kinahihigaan niyang hospital bed. "Astig din 'yong asawa mo, ‘no? Embis na magmamadaling puntahan ka rito sa ospital ay nagsasakit-sakitan doon. Nagpapaalaga kay Ate Olivia na parang bata."
Nalungkot siya sa sinabing iyon ni Rigo. Tila ay mga pakong nag-una
