"Eiiiihhhh!!" Mahaba at malakas na tili ni Maiza.
Hindi pa nakuntento si Yumi. Isa pang putok ang pinakawalan niya na tumama sa ulo ni Ate Olivia. Bulwak ang sariwang dugo ng ginang sa noo kasabay ang pagkabulagta nito.
Tulad ni Maiza ay sobrang sindak din si Rigo. Tumalsik pa sa mukha nila ang sariwang dugo ni Ate Olivia.
Nagtitili ulit ni Maiza. Doon na hinila ni Rigo si Maiza at isiniksik sa dibdib upang hindi pa makita ang sobrang nakakahindik na hitsura ni Ate Olivia.
Hindi nagtagal ay nabitawan ni Yumi ang baril. Rumehistro na sa mukha niya ang matinding takot nang mapagtanto ang ginawa. Uwang ang mga labi niyang tinitigan ang pinatay niyang tao habang kusa ang pagpatak ng mga luha sa mga mata.
Sa isip-isip ni Yumi ay ano itong ginawa niya? Bakit nagpadala siya sa matiding gali
