Chapter 50 Part 2
Pearl
Ilang segundo kong pinagmasdan ang mukhang kontento kay Daddy Reynald. Nahiling ko na sana ay mayroon kaming tsaa ngayon habang nag uusap ng ganitong bagay. Tungkol sa buhay at sa hiwaga ng buhay.
Hinayon ko ang mata sa hinintuan ni Tiya Adora.
Bumuntonghininga ako. Ngumiti. Imbes na mangamba sa kung anong sasabihin ng makakakitang iba, lumuwag ang dibdib ko dahil sa wakas, makakatanggap na siya o sila ni Mang Delfin ng kapatawaran. Mapalad kung tutuusin. Hindi kailangang lumipas pa ang ilang siglo bago lumambot ang puso.
“Ang tanging dasal ko po maging masaya si Tiya Adora, Tiya Bertha at Tiya Alma. Kasi ako, masaya at maligaya kay Nick at Kurt. Mas sasaya kung alam kong ganoon din ang mga taong nagpalaki at nagmahal sa akin.”
Tinapik ni Daddy Reynald ang
