"Mga tanga!" galit na galit si Bardero sa mga tauhan nang maipatid sa kanya na napasok daw sila ng kalaban. Sa galit nga niya ay nabaril niya ang dalawa kaya naman takot na takot ang iba.
"Hanapin niyo kung sino 'yon at iharap niyo sa akin!" ta's bulyaw niya pa.
Agad nagsilabasan sa mga silid na iyon ang mga tauhan.
"Relax boss, kaya na iyong i-handle ni Jamaica. Naghahanap na sila," sabi ng kanang kamay niya nang dalawa na lamang sila sa magarang silid na iyon.
Ngunit isang malakas na suntok ang sinagot niya rito. "Maghanap ka rin, gunggong! Kung ayaw mong ikaw ang unahin kong patayin!"
Putok ang bibig ng tauhan na iyon na kumaripas ng labas.
Tiim-bagang si Bardero na naiwan doon. Nanlilisik ang mga mata niya at kuyom pa rin ang mga palad na pinansuntok. Hindi siya makapaniwala na n
