Chapter 37
Kandahaba ang leeg ni SJ sa pagtanaw sa mga magulang niya, nang mapansin niya na nananahimik si Stephanie sa pagkakatayo sa may bakod na kahoy. Katatawag lang niya sa Papa niya at papunta na ang mga iyon.
Magkasiklop ang mga braso ng girlfriend niya sa tapat ng dibdib at parang may iniisip na malalim. Luminga siya sa paligid at itinaas na ang braso para sana umakbay pero nakabantay na naman ang mata ng Papa Hitler niya sa kanya, kaya ang akbay ay nauwi sa kunwari ay hikab na lang, saka niya inilagay sa bulsa ang mga kamay.
Kainis. Kahit akbay di pwede.
"Bakit tahimik ang female version ni Hitler?" biro niya sa dalaga.
Sumulyap sa kanya si Stephanie at mukhang hindi nga ito okay dahil hindi pinatulan ang pang-aasar niya. Malungkot ang mga mata nito.
Naalarma siya. Shi
