Third Person's POV
Tatlong buwan matapos ang proposal ni Grey ay itinakda ang kanilang beach wedding sa Amanpulo.
Kung ang proposal ng aktor ay isinapubliko niya ang kaniyang kasal naman ngayon kay Zaida ay naging napakapribado, mga kamag-anak at malalapit na kaibigan lamang ang imbitado.
"Ang swerte ko talaga kasi naging kaibigan kita dahil kung hindi ay hindi ako makakarating dito sa Amanpulo ng libre. Thank you sa friendship, Zaida. Kahit na ang layo na ng narating mo ay hindi mo parin ako kinalimutan, ngayon nga ay ginawa mo pa akong bridesmaid," mangiyak-ngiyak na sabi ni Leny.
"Ano ka ba, Leny hindi pa nga nagsisimula ang kasal ko pinaiiyak mo na ako," himutok ni Zaida rito. Sisimulan na siyang make-up-an pero panay naman ang iyak niya. Nakita palang niya ang wedding dress na s
