HAPPY
NANG sumunod na Sabado ay nagyaya uli si Ray na mamasyal kasama si Kaycee. This time, sa isang beach resort naman sa Zambales. Although, masaya ako sa effort at oras na ibinibigay niya sa aming mag-ina, hindi ko maiwasan na hindi magtaka kung bakit parang sinusulit niya ang bawat oras na magkasama kami.
Katulad na lang noong nakaraang linggo. Pagkagaling namin sa Tagaytay, dinala na naman niya kami ni Kaycee sa mall. Kumain kami, nag-shopping, at nanood ng sine. Pagdating naman sa bahay, nag-bonding pa rin kaming tatlo. Nag-videoke, nag-barbecue sa labas, at nag-picnic sa kalapit na park.
Kapag kaming dalawa lang, halos ayaw na niya akong pakawalan. Kulang na nga lang ay sa bahay na siya tumira. Walang oras yata na walang nangyayari sa aming dalawa. Lalo na kapag nasa eskuwela si
