HAPPY
NARAMDAMAN ko ang malalambot at maiinit na mga labi ni Calix na marahas na umaangkin sa mga labi ko. Sinubukan niyang ibuka ang aking bibig. Subalit kahit gaano ko man kagusto na mahalikan niyang muli, hindi sa ganitong paraan na para bang napipilitan lamang siya na hagkan ako. Para gumanti, para ipatikim ang galit niya sa akin.
At mas lalong hindi ako papayag na makipaghalikan sa kaniya matapos niyang makipaglaplapan sa Aria na iyon!
Nang makahanap ako ng tiyempo, mariing kinagat ko ang labi ni Calix, dahilan para mapaigik siya at mapahinto sa pagpaparusa sa akin. Saka ko lang siya itinulak nang ubod ng lakas at binigyan ng mag-asawang sampal.
“How dare you!” malakas na sigaw ko sa kaniya sa kabila ng pag-iinit ng aking mga mata. Nagpupuyos ako sa galit ngunit naiiyak din ako d
