HAPPY
KINABUKASAN ko na kinaya na bumalik sa ospital para harapin si Ray. Nagdahilan na lang ako na hindi maganda ang pakiramdam. Pero ang totoo ay isang desisyon ang pinaga-isipan kong mabuti.
Desisyon na magdamag kong iniyakan kaya mugto ang aking mga mata nang magkita kami ng aking nobyo. Nakadagdag kasi sa pag-iyak ko ang pag-iisip kung ano ba ang nangyari sa ospital habang wala ako at sina Lizzy at Ray lang ang magkasama. Alam ko na kasalanan ko naman dahil hinayaan ko silang magsolo. Ngunit kailangan ko iyong gawin.
Lalo pa at kaninang umaga lang ay pinuntahan ako ni Lizzy sa bahay ni Miss Jass. May hiniling siya sa akin na katulad din ng narinig ko na hiniling niya kay Ray kahapon. Bagay na siya ring napagdesisyunan ko kagabi.
“What’s wrong, my Happy?” may pag-aalala sa boses ni
