KINABUKASAN paggising ni Zarina ay nakahanda na ang almusal. Nang hanapin niya si Kenji ay natagpuan niya ito sa laundry room at naglalaba ng manu-mano. Wala pala itong washing machine. Tanging itim na boxer short lang ang suot nito. Napangiti siya at hindi napigil ang kilig. Napakasuwerte niya sa lalaking pinakasalan niya.
"Ano sa tingin mo ang ginagawa mo? Naglaba ka pagkatapos magluto?" nakasimangot na sabi niya.
"Nakapag-relax naman ang mga kamay ko," anito habang patuloy sa pagkusot.
"Iwan mo muna iyan. Nagugutom na ako. Mamaya na natin tapusin iyan na magkatuwang. Mainit naman ang panahon kaya matutuyo pa rin iyan," aniya.
Tumayo naman ito at binanlawan ang mga kamay. "Ang tagal mo kasing magising, eh," sabi nito.
Hinablot nito ang itim na kamisetang nakasabit sa steel bar saka
