MAY isang oras pa ang nilakad nila Zarina at Kenji bago nila natunton ang kinaroroonan ng mga mangingisda. Mga mangingisdang Chinese pala ang mga ito at ayon sa mga ito, nasa south China sea na raw sila at malapit na sa Pilipinas. Nabalitaan din ng mga ito ang eroplanong sumabog, kaya ganoon na lamang ang pagmamalasakit ng mga ito sa kanila. Pero ipagkakatiwala raw ng mga ito ang kaligtasan nila sa gobyerno ng mga ito.
Ilang araw rin bago naayos ng gobyerno ng China ang transaksyon sa gobyerno ng Pilipinas at nakatakda ang pag-uwi nila bukas ng umaga pero nagpasya si Kenji na sa Japan na muna ito uuwi sa halip na sa Pilipinas. Naayos naman kaagad ang request nito.
Binalot ng hindi mawari na lungkot ang pagkatao ni Zarina nang magdesisyon si Kenji na sa Japan ito uuwi. Ni hindi na niya i
