PAGDATING sa bahay ni Zarina ay nakipagtalo pa si Kenji sa kasama niya sa bahay na si Orfa, ang bisayang katiwala niya. Pero hindi ito nakapalag nang siya na ang kumausap dito. Wala itong nagawa nang samahan siya ni Kenji sa kuwarto niya.
"Ay naku! Lagot naman ako nito kay sir Renzo!" maktol ni Orfa habang pababa ng hagdan.
"Bakit ba si Renzo ang masusunod?" naiinis pang maktol din ni Kenji nang makapasok na sila sa kuwarto.
"Huwag mo nang intindihin si Orfa," aniya.
Ibinagsak ni Kenji ang pagod na katawan sa kama. Walang malisya na nagbihis siya sa harapan nito. Nagsuot lamang siya ng maiksing pants na kulay itim at pulang t-shirt na medyo maluwag sa kanya. Walang ibang laman ang isip niya kundi ang nakakagimbal na pangyayari kanina sa ospital. Pakiramdam niya'y nakalutang sa hangin a
