NAGTATAKA si Zarina bakit nasa ospital sila ni Kenji. Ang huling naalala niya ay nakasakay sila sa kotse. Kahit anong paliwanag nito sa nangyari ay hindi niya maalala. Bigla na lang siya nawala sa huwisyo kanina at hindi na niya alam ang sumunod na nangyari.
"Puwede na raw tayo umuwi sabi ng doktor," pagkuwa'y sabi ni Kenji.
Inalalayan pa siya nitong makabangon. Nang sipatin niya ang oras sa kanyang relong pambisig ay nagulat siya nang alas-onse na pala ng gabi. Sa private hospital pa siya dinala ni Kenji. Pagkatapos nitong maasikaso ang bayarin sa ospital ay sabay na silang lumabas.
Maya't-maya ang sipat ni Zarina kay Kenji buhat sa rearview mirror. May napapansin kasi siyang kakaiba sa hitsura nito. Una ay hindi niya iyon pinapansin pero nang muli siya itong sipatin ay unti-unti niyan
