PAGKATAPOS ng check-up ni Alfonso, na ama ni Allen ay sumama pa rin si Zarina sa bahay ng mga ito. Gusto sana ni Esmeralda na doon na muna siya matulog pero tumanggi siya. Kahit marami siyang nararamdamang nakakakilabot sa bahay niya ay ayaw pa rin niyang pabayaan na walang natutulog doon.
Kasalo nila sa hapunan si Renzo na kararating lang galing Maynila. Noon na ulit sila nagkita magbuhat noong natulog ito sa bahay niya. Pagkatapos din ng hapunan ay nagbuluntaryo ulit si Renzo na ihatid siya. Hindi naman siya tumanggi.
"Salamat nga pala sa pagbantay mo sa akin noong isang gabi," wika niya nang lulan na sila ng kotse ni Renzo at palabas na ng bakuran ng mga ito.
Nagtatakang sinipat siya nito. "Anong sabi mo, binantayan kita?" tila inosenteng sabi nito.
Nagtataka siya. "Hindi ba doon k
