Jelsea's POV
“Wow naman! Ang ganda! Totoo ba ‘to?” Bulalas ko habang nakatanaw sa view na nasa aking harapan.
Namamangha ako ng sobra sa tanawin. Sa view ng luntian na kabundukan, asul na langit, at ang view sa malayo kung saan ay kitang-kita ang dagat na nakapalibot sa bandang hilaga sa dako pa roon.
Tapos, hindi ako makapaniwala na may magandang bahay-bakasyunan sa taas ng bundok, na halos mahilo na ako sa layo ng binyahe namin. Matarik at mabato ang daan at ilang beses pa akong nauntog sa baba at panga ni Master Walden bago kami nakarating sa tapat ng bahay. Tiniis niyang lahat iyon kaysa naman sa bintana o iba pang parte ng sasakyan daw tatama ang ulo ko eh mas ayaw naman niyang malasap ko iyon. Sulit naman ang buhay-buwis naming biyahe dahil priceless ang halaga ng tanawin mula rit
