Jelsea's POV
Nakalimutan na yata akong balikan ni Master Walden nang puntahan niya sa table na kinaroroonan niya ang babaeng sinasabi ni Sir Blue na first love niya kuno.
Halos kalahating oras na ay hindi pa niya ako binabalikan. Hindi ko tuloy mapigilan ang magtampo at magngitngit sa inis. Nakita lang niya iyong babaeng una niyang mahal ay nakalimutan na niya ang tungkol sa akin.
Ang sarap magmaktol sa totoo lang. Sarap din bangasan ng mukha niya dahil kinalimutan na lang niya ako bigla.
Mabuti na lang at hindi naman ako lonely dito sa mesang kinaroroonan ko kasama sina Ate Jasmine, Ate Alessandria, Farrah, at Ate Helena. Sila pa mismo ang kusang lumapit sa akin at nakipagkilala. Sinandukan pa nila ako ng makakain dahil anong oras na rin kasi at hindi pa ako kumakain. Kumain naman ako
