Jelsea's POV
Nakatakas kami ng gabing iyon. Hindi kami nasundan ni Master Walden dahil sinunod namin ang lahat ng bilin ni Sir Sky. Sa kagubatan kami dumaan kasama ang ilang bodyguard niya para maging gabay namin sa pagpasok at paglabas doon. Kasabay ng pag-alis namin ay ang pag-uwi naman nila sa kànilang bahay para raw mahati ang atensyon ng grupo ni Master Walden. Alam niyang susundan sila pauwi sa bahay nila kaya naisip niyang mag-iba na lang ng plano para makasiguro na magtatagumpay kami sa pagtakas.
Nang marating namin ang hangganan ng gubat ay nadatnan na namin si Sir Erwin na naghihintay doon. Kasama niya si Ate Stellaris na gandang-ganda sa suot niyang fitted leggings na itim at fitted body-hugging blouse na kulay itim. Match pa sila ng asawa niya kaya hindi ko na naman mapigilan
