NAPATIGIL ang lahat ng mga naiwan sa loob ng paaralan nang mawala ang lahat ng mga demons at ang mga lumaban dito upang sila ay protektahan. Akala rin ng iba ay may matitira mula sa mga ito upang sila ay atakehin ngunit tila hindi iyon nangyari. Kaya nga, bahagyang humina ang pressure na dala ng mga naglabasang kalaban na naging dahilan upang sila ay makahinga nang maayos kumpara kanina.
Sa pagdami ng presensya ng mga demons sa paligid ay nagagawa nitong panghinain ang mga mahihinang indibidwal.
“Nasaan na sila?” mahinang tanong ni Odessa sa kasama niyang si Claude na kasalukuyang may inaalalayan na matanda. Kasama rin nito si Shilva na maayos na pinapaupo sa isang tabi ang mga tinulungang bata. Dahil sa nakita nilang harang sa buong paaralan ay hindi nila nagawang lumabas. Mukhang
