ANG ONI ng Oriens Legion ang isa rin sa mga naatasang tumungo sa maliwanag na bahagi ng mundo. Ipinadala siya at si Marcus upang samantalahin ang sandaling paghina ng depensa at opensa rito, dahil sa ang karamihan ng mga malalakas na heroes ay nasa Dead Zone na sa kasalukuyan.
Ang nag-iisang babaeng Oni na si Ican, siya ang pinakamabilis sa walong malakas na alagad ng Demon Lord. Ang kanyang ability ay ang mabilis na pagpapalipat-lipat ng pwesto sa napakabilis na oras. Sinasabing mas mabilis pa siya sa liwanag kung magpalipat-lipat ng tinatayuan. Isa pa, dahil dito kaya nagagawa niyang napakabilis ng pagpaslang sa sinumang naisin niya. Hindi pa man nakakaporma ang kalaban, ay wala na kaagad ang puso nito dahil sa kanya.
Kilala rin si Ican sa pang-aakit nito sa mga kalalakihang kany
