MARAMING mga pagsabog at palitan ng mga malalakas na atake ang masasaksihan sa Dead Zone, sa lugar kung saan nagaganap ang laban ng mga Heroes, kasama ni Marcus at ng Egyn Legion. Dito na nagawang ilabas ng mga bayani ang taglay nilang lakas. Nasa teritoryo sila ng kalaban, pero dahil sa tulong ng mga demons na pumanig sa kanila ay mas nadagdagan naman ang kanilang bilang at pwersa. Isa pa, kung wala ang kalbong binata kanina ay baka, hindi pa rin sila nakakagalaw o nakakalaban nang maayos sa lugar na ito.
"Ito pala ang lakas ng mga demons... Hindi sila basta-basta!" bulalas ng isa sa mga Heroes na nagpakawala ng isang malakas na atake sa mga matitigas na kalabang nasa kanyang harapan.
Napangiwi naman si Siri Garnallion nang lampasan niya ang isang malaking demon na gusto siyang pa
