PAGPASOK ni Beazt sa loob ng koloseyo ay narinig kaagad niya ang ugong na nagmumula sa mga taong nasa loob ng lugar na ito. Naririnig din niya ang mga hiyawan ng iba at ang kung ano-ano pang klaseng pag-iingay mula naman sa iba. Nagpunta muna silang labing-anim sa isang silid sa koloseyo para kausapin ng isa sa mga BOT ng paaralan na naghihintay sa kanila.
Kagaya ng nakagawian ni Beazt, hindi niya pinansin ang mga kasama niya. Kahit na nararamdaman niyang malalakas ang mga ito ay hindi naman na ito naging bago sa kanya sapagkat ang hinihintay lang niya ay ang mismong pagsisimula ng laban. Hindi na siya makapaghintay na mapalaban kaagad sa mga malalakas na indibidwal na kasam niya rito.
Pagkapasok nila sa loob ay nakita nila ang isang lalaking may ka-edaran na ang itsura. Kakaunti n
