NABIGLA si Rui nang magsalita si Beazt habang nakatingin sa kanya. Kahit na gumagana ang kanyang ability ay sigurado siyang nakikita siya nito. Sumagi nga rin bigla sa isip niya ang isa pang binatang nakakita sa kanya kanina. Si Speed at naaalala niyang kasama ito palagi nito.
Ikinalma ni Rui ang kanyang sarili at gamit ang pag-uusap sa isip ay sinabihan niya ang kanyang mga kasamahan na huwag gagawa ng kahit ano.
“Ako na ang bahala sa isang ito,” sabi ni Rui habang ginagamit ang telepathy sa kanyang mga kasama. Naglakad na siya palapit kay Beazt at inisip niyang hindi siya nito nakikita. Nilampasan niya ito at pagkatapos ay pumwesto siya sa likuran ng binata.
Isang pagngisi ang kanyang ginawa dahil nanatiling nakatingin si Beazt sa dati niyang pwesto. Napagtanto niyang hindi t
