Naglakad na ako palabas ng building ng aming hotel kung saan kami nagkapag-usap ni Caleb. Ngunit bigla na lang na may nagtakip sa aking bibig dahilan ng pagkawalan ko ng malay.
Hindi ko alam kung ilang oras akong nakatulog. Basta nakaramdam na lang ako ng pagkakalam sa aking sikmura. Hindi ko pa sana ibubukas ang mga mata ko dahil gusto ko pang matulog. Pero ang hirap din kasi kalabanin ang gutom ko kaya kahit hinihila pa rin ako ng antok ay binalewala ko na lang ito. Dahil hindi ko kayang balewalain ang kalam ng tiyan ko.
Nakaramdam rin ako ng kakaiba sa simoy ng hangin na dumadampi sa aking mukha at balat. Maging ang paghampas ng alon ng dagat ay tila kay sarap pakinggan. Kaya napangiti ako ng malawak. Pakiramdam ko ay nasa ibang bahagi ako ng mundo dahil kay ganda ng aking pakiramdam.
