"Nabanggit mo na ba kay Miko ang tungkol sa pagkakautang ng Daddy mo?" Tanong ng Mommy niya nang magtungo sila ni Miko sa bahay nila para mag dinner.
"Hindi pa po Mommy," tugon niya sa ina habang tumutulong siya sa paghahanda ng pagkain sa mesa.
Si Miko lang naman ang masasabing bisita sa kanila pero parang pam fiesta ang dami ng pagkaing pinahanda ng Mommy niya. Lahat mga mamahaling dish pa. Tapos sasabihing problemado sa pera ang pamilya niya. Napakagarbo ng mga pagkain para sa isang ordinaryong dinner lang.
"Bakit naman Patricia hindi mo ba sinasabi?" Tanong ng Mommy niya.
"Ayoko pong mapahiya Mommy, baka po tanggian ako ni Miko," amin niya sa ina. Iyon naman ang totoong dahilan. Ayaw niyang mapahiya sa asawa.
"Anak, asawa ka ni Miko, lahat ng pagmamay-ari niya, pagmamay-ari mo na
