LYKA
PAUWI na ako galing sa pamamalengke. Wala naman ako gaanong dala dahil biglang nagtaasan ang mga bilihin. Lalo na ang mga gulay na nanggaling sa Southern Luzon. Nagkaroon kasi ng bagyo roon at maraming pananim ang nasalanta. Kaya kinulang daw ng supply sa mga pamilihan.
Pagkalabas ko ng palengke ay pinuntahan ko na ang aking motorcycle sa pinagparadahan ko. Kinuha ko ang susi sa loob ng aking bag. Hindi ko napansin na sumabit pala ang suklay ko na may kasamang salamin. Bumagsak iyon sa lupa at saktong sa bato tumama. Natigilan ako sa pagpulot nang makita kong nabasag ang salamin. Bigla na lang kasi akong kinabahan na hindi ko maintindihan.
Hindi na sana muna ako tutuloy sa pagmamaneho at magpalipas muna ng ilang sandali bago bumiyahe. Ayon kasi sa kasabihan ng matatanda, masamang p
