LYKA
“ANO ngang kundisyon?” naiiritang tanong uli sa akin ni Verex nang hindi ko masagot ang unang pagtatanong niya.
Dahil sa totoo lang, natatakot pa rin ako sa ideyang pumasok sa isipan ko. What if hindi ako manalo? Ayaw kong mawala siya nang tuluyan sa akin. Gayon man ay kailangan kong sumugal. Para kapag dumating man ang araw na kailangan ko nang bumitaw, wala pala akong pagsisisihan. Masasabi ko na ginawa ko ang lahat para ipaglaban ang aking asawa at ang pagsasama naming dalawa.
“Gusto ko na bigyan mo ako ng six months para gampanan ang pagiging asawa ko sa’yo na hindi mo ako ipinagtatabuyan,” buo na ang loob na latag ko sa kaniya ng kundisyon na aking hinihiling. “With that, magkakaroon ako ng chance na mahalin mo rin. Pero kapag natapos ang six months na hindi mo pa rin ako kaya
