CHAPTER 38:
NAGING MAGANDA NA ANG MGA SUMUNOD NA ARAW. Ngayon, hindi na kasalanan ang maging karelasyon niya. Malaya na naming nagagawa ang mga gusto naming gawin nang hindi kami nakokonsensya.
Naging routine na namin ang magkita tuwing gabi kung wala siyang show o practice. Kinailangan nga lang naming magtago sa mga tao sa t'wing magkikita kami. Kaya madalas na sa bahay nila, kami nagde-date. Hindi naman iyon boring lalo na't nag-e-enjoy naman kami sa isa't isa. . . At mukhang hindi siya nagsasawa.
"Mag-ingat kayo ha? Baka mamaya may makakita na naman sa inyo't ma-picture-an kayo," paalala ni Nora.
Busy ako sa paglalagay pagtatali ng buhok ko into bun.
"Opo, maingat na kami," sagot ko.
Iyong nangyaring issue pala tungkol sa amin noon, mabuti't naresolba ng BS Entertainment. Hindi k
