CHAPTER 47:
HINDI AKO MAPAKALI, GUSTO KO NANG MAKAUSAP ULIT SI NANAY. Kaagad na pinaalis ni Nora si Noli nang malaman niya ang sinabi nito sa akin pero bago siya umalis, hindi nakaligtas sa pandinig ko ang sinabi niyang gagawa siya ng paraan para makaganti sa akin.
"Pasensya ka na talaga ateng, hindi ko rin alam kung bakit galit na galit si Kuya Noli sa 'yo. Wala ka ba talagang ginawa sa kaniya noon? Wala kang maalala?" sunod-sunod na tanong ni Nora sa akin.
Umiling ako. Kasalukuyan kaming nakaupo sa may sala habang nagkakape, pampakalma kahit na ang epekto naman talaga nito ay nerbyos.
"Wala talaga akong maalala, bukod sa hindi ko siya sinagot no'ng manligaw siya sa akin dahil nga hinipuan niya ako. Sino ba namang babae ang papayag makipagrelasyon sa bastos?"
"Iyon na nga e. Iyan lan
