CHAPTER 16:
WALA AKONG NAGAWA KUNDI ANG SABIHIN KILA NANAY AT Jupeth ang totoo. Alam ko kasing masasaktan si Stefano sa oras na itanggi ko siya bilang boyfriend ko.
Lumabas kami sa hospital room ni Aris nang kumalam ang sikmura ni Jupeth. Itatanggi niya pa sana na gutom na siya pero pinagalitan ko. Ganoon si Jupeth, ayaw niyang nanghihingi sa akin kaya kung minsan kahit na kailangan niya ay tinitiis niya.
"Pasensya ka na kung maaga mong nalaman ang tungkol sa pamilya ko."
Naglalakad na kami palabas ng hospital at medyo naiilang ako. Nakakailang dahil nalaman na niya kung anong klaseng pamilya mayro'n ako.
"Ayos lang. Lahat naman ng pamilya may kaniya-kaniyang problema," sagot niya.
Nang makalabas kami ng hospital, huminto ako sa paglalakad saka siya hinarap.
"Salamat. Pwede ka nang
