CHAPTER 30:
SA LOOB NG ILANG LINGGONG SINUSUBUKAN KONG MAG-MOVE ON KAY Zareb, ang lahat ng hinanakit na nasa puso ko'y aking ibinuhos sa webtoon na sinusulat ko.
Minsan habang isinusulat ko ang script ng webtoon, napapaiyak na lang ako.
Sa webtoon series kong “My Wife’s Lover” iyong bidang babae ay nagtaksil sa asawa niyang lalaki dahil masyado itong boring. Dalawang taon silang magkasintahan bago nagpakasal. At sa loob ng dalawang taong iyon ay hindi niya kailanman nakitaan ng pagkakamali ang boyfriend niya. Akala niya'y perfect na siya para sa kaniya kaya pinili niya itong pakasalan, ngunit nagbago iyon nang unti-unti siyang maghanap ng excitement mula sa kaniyang asawa.
Sa sobrang perpekto kasi ng asawa niyang lalaki, hindi ito sumusubok ng kahit ano mang gusto niya. Nag-i-stick na
