‘Yon na nga ang ginawa ni Louisa. Pagkatapos ng working hours at papauwi na sila, sinubukan niyang yayain si Anton na dumaan muna sila sa isang restaurant o kahit cafe man lang para magmeryenda at mag-dinner dahil balak na talaga niyang ipagtapat dito ang totoo tungkol sa kanilang dalawa ni Haris at makipaghiwalay na rin.
Hindi na kasi niya kaya. Umaayaw na ang konsensya niya. Oo, may parte sa kanya ang kinakabahan kasi alam niyang masasaktan at masasaktan niya ang taong may malaking naitulong sa kanya mula pa man noon. Ngunit ano bang magagawa niya? Ayaw na niya itong patuloy na lokohin dahil habang niloloko niya ito’y para lang ding niloloko niya ang kanyang sarili.
"Ngayon? I'm sorry, my dear, hindi ako puwede, eh. Mag-o-overtime ako sa study sa bahay at may mga dapat pa akong pag-ara
