“Malayo pa ba tayo, boy? Pasensya ka na ha? Parang kanina pa kasi tayo naglalakad, eh,” tanong ni Louisa.
Napatingin ang dalawang lalaki rito.
“Sinabi ko naman sa inyo, Maam, malayo talaga ang lalakarin natin bago tayo makaabot sa bayan.”
“Bakit, Louisa? Pagod ka na ba? Ayos ka lang?” madali namang dalo ni Haris na nag-aalala sa kanya lalo pa’t nang makitang parang hinihingal na siya sa paglalakad.
Umiling ang dalaga. “No, ayos lang ako, Haris.”
“Gusto mo bang tumigil muna tayo sandali?”
Sa muli ay umiling si Louisa. Sayang ang minutong gugugulin sa pagtigil at pagpapahinga kung puwede naman at kaya namang magtuluy-tuloy sila.
“Okay lang talaga ako. Kaya ko naman. Magpatuloy na muna tayo at kapag hindi ko na makayanan mamaya, saka na tayo tumigil at sandaling magpahinga. Sa ngayon,
