“Hayan, mukhang sina Miss Louisa at Sir Haris na po yata ‘yang mga sakay ng paparating na motor.” Nadinig nilang sinabi ng isa sa staff habang nakaturo sa kanilang gawi.
Nuon napagtanto nina Haris at Louisa na maraming tao sa labas ng resort at mukhang kanina pa nga sila pinaghahahanap sa kung saan.
Nagpabusina ng mahina si Bernardo upang kumpirmahin na sila ngang kasama ng mga ito ang sakay ng motor at sa wakas ay bigyang pag-asa ang mga ito na nakabalik silang pareho nang ligtas.
“Sila na nga! Guys, nandito na sina Miss Louisa at Sir Haris!” natutuwang anang mga kasama nila sa kapwa mga kasama na ang iba’y naroroon sa loob at kanina pa sobrang aligaga sa paghahanap sa kanila.
May ilang mga awtoridad pa nga ng search and rescue operation team at mga tauhan mula mismo sa pamunuan ng re
