Nakarating sa tapat ng kanyang suite si Louisa kung kaya't tiningnan niya si Anton upang magpasalamat sa paghatid nito at magpaalam na din dahil babalik na rin ito sa suite nito.
"Nandito na tayo. Salamat sa paghatid, Anton. Didiretso ka na rin ba sa suite mo?"
Hindi niya ito narinig sa pagtugon at hindi na rin naman niya ito nalingon pa dahil abala siya sa pagbubukas ng pinto na inabot sa kanya ng hotel staff kanina bago sila dumiretso dito.
Ang buong akala niya'y tumuloy na nga si Anton sa katabing kuwarto, hindi lang umimik pero ganoon na lang ang kanyang pagkabigla nang pagkabukas niya ng pintuan ay walang sali-salitang muli nitong hinablot ang siko niya't kinakaladkat at halos patulak siya kung papasukin sa loob.
"Anton, aray! Bitawan mo 'ko! What are you doing!" daing nga niya.
