Nang makabitaw si Louisa kay Haris ay agaran at madali na niyang tinungo ang pinto upang lumabas.
“Louisa!” Sumunod din ito sa kanya.
“Haris, sandali! Huwag mo ‘kong iwan!” Hinabol din ito ni Kim at nang maabutan ay niyakap nang mahigpit si Haris mula sa likod ng lalaki. “Please, nagmamakaawa ako! Para sa amin ng anak mo, huwag mo kaming iwan! Kalimutan mo na si Louisa! Hindi ka talaga niya mahal dahil ang dali-dali niyang isuko ka para sa akin! Ang dali para sa kanya na talikuran ka nang ganoon na lang! Tingnan mo nga’t hindi ka man lang niya nagawang ipaglaban! ‘Yon ba ang gusto mong mapangasawa? Isang babaeng mas madaling maniwala sa iba kaysa sa ‘yo na minamahal kuno niya! Hindi siya totoong nagmamahal, Haris! Kung may isang tao mang totoong nagmamahal sa ‘yo rito, ako ‘yon! Kami ng
