Hindi ko alam kung ilang oras kami nag-inom, kung anong oras at ilang oras akong nakatulog.
Ang alam ko lang ay gumising ako na para bang may kulang. Ginising ako ng sakit na nararamdaman ko.
Pumasok na naman sa isip ko ang nangyari. Nagsimulang bumuhos ang mga luha ko, pakiramdam ko kulang ako.
Ang sakit, paano ba mawala ang sakit na nararamdaman ko ngayon? Kasi isang araw pa lang pero pakiramdam ko durog na durog na ang puso ko.
Nanghihina ako, nakakaramdam ng gutom, pero hindi sapat ang pagkain at pahinga sa akin para gumaan ang pakiramdam ko.
Napahikbi ako ng maalala ang mga masasakit na sinabi sa akin ni Carl kanina. Lumakas ng lumakas ang pag-iyak ko na nauwi sa hagulgol. Kinuha ko ang unan at niyakap ng sobrang higpit. Na para bang siya si Carl na tinatahan ako sa aking pa
