“Diyan nag-wo-work ang boyfriend mo, ate?” Namimilog ang mga mata ng kapatid ko habang nakatingin sa mataas na building na nasa harap namin.
“Hmm…”
Tinanggal ko ang aking seatbelt para makuha nang maayos iyong mga gamit na nasa backseat. Isang lunch bag lang naman iyon. Pagkatapos ay tinulungan ko na rin si Isaac na tanggalin ang kanyang seatbelt. Mukha kasing nakalimutan na niya dahil abala sa pamamangha sa building.
“Dalhin mo na ‘to dahil lalabas na tayo.” Ibinigay ko sa kanya ang backpack na dala niya pero halos hindi niya iyon pansinin.
“What’s his work, ate?” usisa pa niya habang nakahilig sa bintana ng sasakyan.
“He is the owner. That’s his company—”
Nanlalaki ang mga mata na nilingon niya ako. “Really?!”
Muli akong tumango. Itinuro ko ang bag na kanina ko pang pinadadala sa
