Magkasalikop ang aking mga kamay habang tinitingnan ang tatlong PT sa aking harapan. Ang sabi sa instruction ay kailangan ko pang maghintay ng one to three minutes bago makita ang resulta. Pakiramdam ko nga ay iyon na ang pinakamahabang minuto ng aking buhay.
Pagkauwi ko galing sa shop ay nagsadya talaga akong dumaan sa isang pharmacy para bumili ng pregnancy test kits. Tatlo agad ang binili ko para sigurado. Mabuti na lang din at tumawag sa akin si Sebastian na medyo ma-li-late siya ng pagsundo sa akin dahil mayroon pang inaasikaso sa kanilang restaurant. Pabor pa iyon sa akin at sinabi ko na lang na sa bahay na lang kami magkita.
Kung sakaling sabay pala kami ay hindi ako makakabili. Ayaw kong malaman niya agad dahil gusto kong maging surpresa ito kung sakali man na positive ang resul
