“P-pasensya na pala sa inasal ng mga anak ko kanina.” Napatikhim ako para bawasan ang panginginig ng aking boses. “Nagbibiro lang sila. A-alam mo naman… uh, mga bata. They are p-playful.”
Nandito na kami sa boutique at kasalukuyang sinusukatan ang mga bata para sa damit na isusuot nila. Pero ang totoo niyan ay noong nasa New Zealand pa lang kami ay naibigay ko na sa kanila ang body measurements ng kambal para kung sakali na hindi kami makauwi nang maaga ay maasikaso na nila bago pa ang kasal. Bale ngayon ay fitting lang kung mayroon bang adjustments na gagawin.
Inaasikaso naman ng staff ng boutique ang mga bata kaya kaming dalawa lang ni Sebastian ang naiwan dito sa receiving area ng shop. Mula naman dito sa puwesto ay natatanaw namin sina Luna at Sol na mukhang enjoy na enjoy sa pagsus
